Paano ako makakapamili ng tamang daan para sa aking buhay?!!

Ang buhay ay dapat na nasa tamang daan. Simula noong unang panahon pa lamang, ang tao ay nagkakaroon ng koneksyon sa mga tribo. Ang tao ay kailangang makihalubilo sa tribo kung saan siya ipinanganak. Ang mga tao ay kailangang magkaroon ng particular na pagkakakilanlan na kanyang matatanggap sa oras ng kanyang kapanganakan. Ang mga paniniwala at ga ideya sa pamumuhay ay namana din. Ang mga tao ay hindi pinahihintulutang mamuhay ng naaayon sa kanilang sariling pagiisip patungkol sa buhay. Ang sinumang magnais namamuhay sa kanyang sariling kagustuhan ay marahas na pinarurusahan at ginagawa itong halimbawa.

Sa paglipas ng panahon, ang mga pag-iisip ng mga tao tungkol sa buhay at relihiyon ay naging malawak na. Ngayon sa panahong ito, napagtanto na ng mga tao na ang pagtuklas ng tamang daan sa buhay ay isang pangunahing bagay at walang sinuman ang makahahadlang maging ang mga paniniwala ng mga nakatatanda o ng mga magulang. Sa kasalukuyan, nawala na ang mga malilit na tribo at ang buong mundo ngayon ay iisa na lamang kung saan ang lahat ay may kalayaang gawin ang anumang bagay ang naisin niya.

Napakaraming tao sa mundo sa panahong ito ang naghahanap ng tamang daan. At dahil dito, nagsasagawa sila ng kung anu-anong eksperimento at mga bagay ayon sa kanilang nais at gusto. Ang mga tao halimbawa ay nag-aaral ng wikang Arabo upang matutunan din nila ang Islam. Sila ay nagiging sobrang interesado sa pag-aaral ng mga pangunahing aralin ng Islam gaya ng mga taong nagkakaroon din ng interes dito. Ang ibang tao naman ay nagkakaroon ng kasiyahan sa ibang relihiyon.

Gayunpaman, mayroon din namang mga tao ang hindi naniniwala sa pagsunod ng anumang relihiyon. Naniniwala sila na ang tamang landas ay hindi nakasalalay sa iisang relihiyon. Ayon sa kanila, naaayon ito sa kasiyahan at pagkakaroon ng koneksyon sa Diyos ng sangkalupaan. Ang mga tao ay hindi nangangailangang lumipat ng relihyong kinabibilangan. Kung pakiramdam nila ay mayroon na silang koneksyon sa kanilang Diyos, ibig sabihin nito ay nahanap na nila ang tamang daan.

Karagdagan pa dito, mayroon din mga bagay ang nakasalalay sa pagsunod sa tamang landas. Kung ang tao ay may mabuting kalooban, sila ay nalalapit na sa tamang landas. Sila ay napakabuti para sa mga taong nasa paligid nila. Kung ang tao ay mahusay sa pagbibiigay ng respeto sa kapwa, sila ay maituturiing na nasa tamang daan. Sa makatuwid, ang pagsunod sa tamang daan ay nangangahulugang pagsunod sa mabuting pamumuhay, pagkakaroon ng koneksyon sa Panginoon at paggawa ng kabutihan sa lahat ng nilalang ng Diyos.

Ang pagsunod sa tamang daan ay napakahalagang aspeto sa buhay. Ito nakapagbibigay sa atin ng kasiyahan. Hindi ito nagdudulot sa atin ng pagkakasala. Ang pagsunod sa tamang landas ay nangangailangan ng higit na katapangan. Ito ay maaaring maging mahirap kung minsan at nagiging mahina ang tao ngunit kung siya ay matatag, siya ay mananatili sa tamang landas.

(Translated from http://muslim-academy.com/how-can-i-choose-the-right-path-for-my-life/#more-4651)